Champhai Zote ah in pakhat a kángral vek

Ni zan 7th. May. 2011 (Inrinni) zan dar 6:30 hian Vanduai thlak takin Zote khua a Pu B.Rozama In Pu F.VL.Hnundailova luahlai chu kan hmuh ang hian a kang a, a kan chhan hi chiang taka hriatna a awm lova, electric kalsual vang ni te in an ring a, In hi a kan lai hian tumah an awm lova, an In luah tute Pu Hnundailova te hi inkhawm turin an chhuaka, Biak In pawh an la thleng hmanlo tih in Pu Hnundailova te Pa fa za Inkhawm kallai chu an thenawm Tlangval Mawia hian a au a.

[More…] Ral atanga in kang a hmu chu In kang lam chu pan in a tlan ta a, a theih ang tawkin In kang chu a thelh zui ta a. Chutianga In kang a awm tih Mipui ten a hriat chuan an tlankhawm a, In kang chu Zote mipui chuan theihtawp chhuah in thelh tum in an bei ta chiam a. amaherawh chu tui duh anga hman mai tur a awm loh avangin Lung leh lei in In kang chu an vawm ta a, nimahsela an thelh mit mai thei ta lo a ni.
Thawmhnaw engmah bungrua pawh chuh hman lova Chhiattawkte chhung Pu Hnundailova luahlai a kangral ta mai hi te hi an lainat awm hle a . He In kang ah hian Sorkar Department hrang hrang te pawh chhiat tawkte lainat takin a hmun ah an thlengkhawm hman a, an fakawm hle a ni.

CHAMPHAI TUALCHHUNG 22 OCT 2010

KRISMAS URLAWK DAWN :
Vawiin chawhnu dar 1:30 hian Champhai Police Station ah OC LT Fala Khiangte chuan Krismas leh kumthar vuakveta boruak muanawm tak a awm theih nan leh dan leh thupek kengkawh kawnga thawhhona tha zawk a awm theih nan Champhai khawpui chhunga Police hrang hrangte meeting a neihpui dawn a, tlaiah zanriah an kilho nghal ang.

SALVATION LAL LOKAL :
Salvation Army Commissioner Lalkiamlova, International Secretary leh South Asia a Salvation Army hotu ber chu niminpiah khan Champhai lo thlengin nimin khan Hnahlana Salvation Army Hall a hawng a, tlai lamah Khawzawla hun hmang turin a rawn kir leh a, vawiin hian a pianna khua Chhawrtui khawtlang chuan amah chawimawina hun hmangin khawtlang huapin ruai an theh ang. Naktukah Ngopa SAY khawmpui neih turah Speaker niin he hun hi a hmanpui dawn a ni.

MOBILE PHONE BO HMUHSAK :
Champhai Police te chuan tunhnaia Phone tibo Rihlipui Editor leh Addl. SP te phone chu IMEI number atangin an hmuhchhuah sak a, an phone te hi a neitute kutah an hlan ve ve tawh a ni.

MEI ZU MAN :
Nimin zing khan Champhai Bazar ah Anti Tobacco Squad ten Meizu an vai a, mi 12 an man a, an mi man te sum chawi tlingkhawm hi Rs. 240 a ni thu kan dawng. Naktuk zingah Champhai Bazar ah Meizu hi an vai zui leh dawn a, ngaihhnathiamna awm lovin an chawitir dawn tih thu dawn a ni bawk.

CHAMPHAI POLICE TEN POLICE THITE SUNNA HUN HMANG

Nimin zing khan Champhaia Police hrang hrang awmte chuan Champhai Police Station kawt zawlah kumin chhunga India ram puma hmelma kuta Police thite sunna hun Addl. SP Ngursangliana hovin an hmang.
Police thite sunna hun VL LUra Hauzel SDPO kaihhruai-ah hian thu sawiin Assl. SP Pu Ngursangliana chuan hmelma kuta Police thite sunna hun hi kum 1959 Oct. ni 21 a Ladakh Post hmuna India Police post China sipai ten an beih tuma India police 9 an thah tak hriat rengna puala he ni hi hmang tan an nih thu a tarlang a. Tun tumah hian Kum 1.9.2009 atanga 31.8.2010 chhunga India rama hmelma kuta Police hrang hrang 198 thite puala sunna hun hi hmang an ni tih a sawi a, hetihlai hian Mizoram chu ram ralmuangkan nih avanga vanneihna kan neih hlauh avangin hemi hun chhung hian hmelma kuta police thi kan awm lo tih a sawi.
Traffice Police leh IR mi awm zawng zawng ten Police thite sunna hun an hmannaah hian Police te an kal kim hle a, Police thi ta te sunna atan hian sipai dana sunna urhsun leh ropui tak an hlan hnuah an pual hian minute 2 ngawi rengin an ding bawk.