CHAMPHAI TUALCHHUNG 22 OCT 2010

KRISMAS URLAWK DAWN :
Vawiin chawhnu dar 1:30 hian Champhai Police Station ah OC LT Fala Khiangte chuan Krismas leh kumthar vuakveta boruak muanawm tak a awm theih nan leh dan leh thupek kengkawh kawnga thawhhona tha zawk a awm theih nan Champhai khawpui chhunga Police hrang hrangte meeting a neihpui dawn a, tlaiah zanriah an kilho nghal ang.

SALVATION LAL LOKAL :
Salvation Army Commissioner Lalkiamlova, International Secretary leh South Asia a Salvation Army hotu ber chu niminpiah khan Champhai lo thlengin nimin khan Hnahlana Salvation Army Hall a hawng a, tlai lamah Khawzawla hun hmang turin a rawn kir leh a, vawiin hian a pianna khua Chhawrtui khawtlang chuan amah chawimawina hun hmangin khawtlang huapin ruai an theh ang. Naktukah Ngopa SAY khawmpui neih turah Speaker niin he hun hi a hmanpui dawn a ni.

MOBILE PHONE BO HMUHSAK :
Champhai Police te chuan tunhnaia Phone tibo Rihlipui Editor leh Addl. SP te phone chu IMEI number atangin an hmuhchhuah sak a, an phone te hi a neitute kutah an hlan ve ve tawh a ni.

MEI ZU MAN :
Nimin zing khan Champhai Bazar ah Anti Tobacco Squad ten Meizu an vai a, mi 12 an man a, an mi man te sum chawi tlingkhawm hi Rs. 240 a ni thu kan dawng. Naktuk zingah Champhai Bazar ah Meizu hi an vai zui leh dawn a, ngaihhnathiamna awm lovin an chawitir dawn tih thu dawn a ni bawk.

CHAMPHAI POLICE TEN POLICE THITE SUNNA HUN HMANG

Nimin zing khan Champhaia Police hrang hrang awmte chuan Champhai Police Station kawt zawlah kumin chhunga India ram puma hmelma kuta Police thite sunna hun Addl. SP Ngursangliana hovin an hmang.
Police thite sunna hun VL LUra Hauzel SDPO kaihhruai-ah hian thu sawiin Assl. SP Pu Ngursangliana chuan hmelma kuta Police thite sunna hun hi kum 1959 Oct. ni 21 a Ladakh Post hmuna India Police post China sipai ten an beih tuma India police 9 an thah tak hriat rengna puala he ni hi hmang tan an nih thu a tarlang a. Tun tumah hian Kum 1.9.2009 atanga 31.8.2010 chhunga India rama hmelma kuta Police hrang hrang 198 thite puala sunna hun hi hmang an ni tih a sawi a, hetihlai hian Mizoram chu ram ralmuangkan nih avanga vanneihna kan neih hlauh avangin hemi hun chhung hian hmelma kuta police thi kan awm lo tih a sawi.
Traffice Police leh IR mi awm zawng zawng ten Police thite sunna hun an hmannaah hian Police te an kal kim hle a, Police thi ta te sunna atan hian sipai dana sunna urhsun leh ropui tak an hlan hnuah an pual hian minute 2 ngawi rengin an ding bawk.

LPS Champhai in kan en ve thei ta

LPS 1 chu champhai cable pahniha LCN & CCN te chuan Nilaini 20 Oct 2010 zan atang khan LIVE in kan en ve thei ta.. He mite cable pa hnih hi an fakawm in champhai mipuite tana an thawhna ah a lawmawm hle mai…..

Hmeichhe naupang thattu a rinhlelh police in man

Thakthing veng naupang Zomuanpuii
thattu nia hriat Lalrammawia,Salem Veng man a ni. Kulikawn Police
Outpost chuan mipui hmuh theih a pholan an tum ni awm in an sawi.
Khawtlang hruaitu te an in hmukhawma hmalak zel dan tur an rel.
An veng thalai thenkhat Kulikawn OP
kawtah an inhawrkhawm. Misual hian pawngsual case dang pawh a nei mek ni
awma sawi a ni. Amah zing lama lo hmu tu te kha an ko khawm a, oneway
glass chhanah suspect identification an neih tir a amah an point vek a,
chuvangin a chiang khat chuan a lang.
A kekorte theihnghilh atang vel khan DNA
matching an ti leh anga a chiang lehzual ang chu. Thu chiang zawk hria
kan awm chuan rawn update nise a tha ange.